भारतले नेपालमा आएको विनाशकारी बाढीपछिको राहत प्रयासमा सहयोग गर्न १० टन मानवीय सहायता तथा विपद् राहत (एचएडीआर) सामग्री पठाएको छ। उक्त सामग्रीमा आवश्यक औषधिहरू पनि समावेश रहेका छन्।
भारतीय विदेश मन्त्री एस जयशंकरले मङ्गलबार सामाजिक सञ्जाल एक्समा गरेको पोस्टमार्फत यो सहायता पठाइएको जानकारी दिएका हुन्।
“शोकाकुल परिवार र प्रभावित सबैप्रति हाम्रो समवेदना छ,” जयशंकरले लेखेका छन्।
बाढीबाट उत्पन्न चुनौतीहरूको सामना गरिरहेको बेला भारत नेपाल र नेपाली जनतासँग उभिएको उनले बताएका छन्।
