१२ भदौ, काठमाडौं । प्रधानमन्त्री दैवी प्रकोप उद्धार कोषका लागि सूर्य नेपाल प्रालिले १५ करोड रुपैयाँ सहयोग उपलब्ध गराएको छ । कम्पनीले शुक्रबार अर्थमन्त्री डा. स्वर्णिम वाग्लेलाई भेटेर सो रकमको चेक हस्तान्तरण गरेको हो ।
चेक बुझाउने क्रममा सूर्य नेपाल प्रालिका प्रबन्ध निर्देशक गौरव तयाल, उपाध्यक्षद्वय डिप्रा लहेरी र रवि केसी तथा महाप्रबन्धक प्रेम अर्याल सहभागी थिए । उनीहरूले अर्थमन्त्री वाग्लेलाई उक्त रकमको चेक बुझाएका हुन् ।
प्रधानमन्त्री दैवी प्रकोप उद्धार कोषमा पूर्वजानकारी दिएर निजी क्षेत्रबाट उपलब्ध गराइएको यो सबैभन्दा ठूलो सहयोग रकम रहेको छ ।
