रसुवाबाट फेरि बाढी र पहिरो गएको सूचना आएसँगै नारायणगढ हुँदै पोखरा, मुग्लिन र काठमाडौं जाने–आउने सबै प्रकारका सवारीसाधन रोकिएका थिए। अहिले उक्त आवागमन पूर्णरूपमा खुला भइसकेको छ।
जिल्ला प्रहरी कार्यालय चितवनले आज जारी गरेको सूचनामा रोकिएका सवारीसाधनको आवागमन पूर्णरूपमा सञ्चालनमा आएको उल्लेख छ।
सोही सूचनामा बाढी, पहिरोलगायत प्राकृतिक विपद्को जोखिम अझै कायम रहेको भन्दै जोखिमयुक्त स्थानमा नबस्न सर्वसाधारणलाई आग्रह गरिएको छ। यस्तै, सम्बन्धित निकायका निर्देशन पालना गर्न र आफ्नो तथा परिवारको सुरक्षालाई प्राथमिकता दिन पनि प्रहरीले अनुरोध गरेको छ।
