भदौ १४ गते आइतबार बाढीबाट क्षतिग्रस्त भएको कृषि विकास बैंकको त्रिशूली ढुंगे शाखाबाट नगद र सुन निकाल्न नेपाल प्रहरीले विशेष अभियान चलाएको छ । करिब आठ घण्टाको प्रयासपछि शाखाभित्र रहेका डेढ करोड नगद र अनुमानित ५० लाख मूल्यको सुन सुरक्षित स्थानमा सारिएको प्रहरीले जनाएको छ ।
बैंकबाट केही महत्त्वपूर्ण कागजात पनि सुरक्षित अवस्थामा भेटिएका छन् । ती कागजातलाई सुरक्षित राखिएको र यस अभियानको संक्षिप्त भिडिओ सामाजिक सञ्जालमा सेयर गरिएको प्रहरीले बताएको छ ।
