१६ भदौ, काठमाडौं । रसुवाको भोटेकोशीमा आएको विनाशकारी बाढीमा बेपत्ता भएकामध्ये हालसम्म ९८७ जनाको शव फेला परेको छ। राष्ट्रिय विपद् जोखिम न्यूनीकरण तथा व्यवस्थापन प्राधिकरणले मंगलबार बिहान ९ बजेसम्मको तथ्यांक सार्वजनिक गर्दै यो जानकारी दिएको हो।
प्राधिकरणका अनुसार बाढी प्रभावित विभिन्न जिल्लामा शव फेला परेका छन्। रसुवामा २७, नुवाकोटमा ९५, धादिङमा ५५, गोरखामा ६५, तनहुँमा ३८, नवलपरासी पूर्वमा २१६, नवलपरासी पश्चिममा १७० र चितवनमा ३२१ जनाको शव भेटिएको प्राधिकरणले जनाएको छ।
यस्तै, अझै तीन हजार ९१६ जना सम्पर्कविहीन रहेका छन्। बाढीमा परी २७९ जना घाइते भएका छन् भने हालसम्म ११ हजार ८१४ जनाको उद्धार गरिएको छ।
