नेपाली कांग्रेसले विपद्का बेला सरकारी र गैरसरकारी कामकारबाहीबारे जनतालाई जानकारी दिन संसद्को बैठक तत्काल बोलाउन माग गरेको छ।
सोमबार सिंहदरबारमा बसेको कांग्रेस संसदीय दलको बैठकले यस्तो माग गरेको हो। विपद्का बेला भएका कामकारबाहीबारे संसद्मा छलफल हुनुपर्ने र त्यसबाट जनतालाई जानकारी दिनुपर्ने बैठकको भनाइ छ।
बैठकबारे प्रमुख सचेतक बासना थापाले जानकारी दिँदै बाढीमा बेपत्ता भएकाहरूको घटना पत्ता लगाउन र समाधानका उपाय खोज्न संसद् सञ्चालन आवश्यक भएको बताइन्।
यसैगरी, बैठकले कांग्रेसका सबै सांसदले आफ्नो आधा महिनाको पारिश्रमिक राहत कोषमा जम्मा गर्ने निर्णय गरेको छ।
