उदयपुरको कटारी नगरपालिका–६ मा प्रहरीले ठूलो परिमाणमा लागुऔषध गाँजा बरामद गरेको छ। बकेटरस्थित शान्तिवन वन क्षेत्रमा लुकाइराखिएको अवस्थामा एक हजार १२२.६७ किलो गाँजा फेला परेको हो।
गाँजा ओसारपसार भइरहेको विशेष सूचना पाएपछि सोमबार बिहान करिब ४ बजे कटारीस्थित प्रहरी कार्यालयको टोलीले शान्तिवन वन क्षेत्रमा खानतलासी गरेको थियो। सो क्रममा प्लास्टिकका बोराभित्र प्याक गरी जंगलमा लुकाइराखिएका ५२ बोरा गाँजा बरामद भएको प्रहरीले जनाएको छ।
प्रहरीले घटनास्थलबाट बा १६ च ५२६९ नम्बरको बोलेरो गाडीसमेत नियन्त्रणमा लिएको छ। पक्राउ पर्नेमा उदयपुरको ताप्ली गाउँपालिका–१, डाँडागाउँका रामबहादुर मगर, ५५, नेकबहादुर मगर, २१ र पृथ्वीराज मगर, ४६ रहेका छन्।
पक्राउ परेका तीनै जना गाडीका चालक तथा गाँजा तस्कर हुन सक्ने प्रहरीको प्रारम्भिक आशंका छ। बरामद गाँजा र पक्राउ परेका व्यक्तिहरूबारे थप अनुसन्धान भइरहेको छ।
