नुवाकोटको देवीघाटस्थित त्रिशूली नदीमा नेपाली सेनाले बेलीब्रिज निर्माण थालेको छ । गत भदौ १० गतेको बाढीले उक्त क्षेत्रको पक्की मोटरेबल पुल बगाएपछि आवागमन व्यवस्थित बनाउन अस्थायी पुल तयार गर्न थालिएको हो ।
सेनाको इन्जिनियरिङ फौजले शनिबार त्रिशूली नदीमाथि बेलीब्रिज जडानको काम अघि बढाएको छ । अस्थायी पुलको काम सम्पन्न भएपछि देवीघाट तथा आसपासका स्थानीय बासिन्दाको आवतजावत सहज हुनेछ ।
