नेपाली बजारमा बुधबार सुनचाँदी दुवैको मूल्यमा गिरावट आएको छ। नेपाल सुनचाँदी व्यवसायी महासंघले सार्वजनिक गरेको विवरणअनुसार आज सुन प्रतितोला तीन हजार रुपैयाँले घटेको हो।
महासंघका अनुसार यो घटावसँगै बुधबार सुन प्रतितोला तीन लाख दुई हजार चार सय रुपैयाँमा कारोबार भइरहेको छ। अघिल्लो दिन मंगलबार सुन प्रतितोला तीन लाख पाँच हजार चार सय रुपैयाँमा कारोबार भएको थियो।
यसैगरी बुधबार चाँदीको मूल्य पनि घटेको महासंघले जनाएको छ। आज चाँदी प्रतितोला ४० रुपैयाँले घटेर चार हजार सात सय ५० रुपैयाँमा कारोबार भइरहेको छ।
