फिफा विश्वकप २०२६ को पहिलो सेमिफाइनल खेलमा स्पेनले फ्रान्सविरुद्ध सुरुवाती अग्रता लिएको छ। अमेरिकाको टेक्सासस्थित डलास स्टेडियममा जारी प्रतिस्पर्धात्मक खेलमा स्पेनले खेलको सुरुवाती समयमै गोल गर्दै आफ्नो पकड बलियो बनाएको हो।
२२औं मिनेटमा पेनाल्टी गोल
खेलको २२औं मिनेटमा स्पेनका लागि मिकेल ओयार्जाबलले पेनाल्टीमार्फत पहिलो गोल गरेका हुन्। खेलको २०औं मिनेटमा फ्रान्सेली डिफेन्डर लुकास डिग्नेले डिबक्सभित्र स्पेनका लामिन यामललाई लडाएपछि स्पेनले पेनाल्टीको अवसर पाएको थियो। सो अवसरलाई ओयार्जाबलले सहजै गोलमा परिणत गर्दै टोलीलाई अग्रता दिलाए।
डलास स्टेडियममा रोमाञ्चक भिडन्त
विश्वकपको फाइनलमा पुग्ने लक्ष्यसहित मैदान उत्रिएका दुवै बलिया टोलीबीच डलास स्टेडियममा कडा प्रतिस्पर्धा भइरहेको छ। सुरुवाती अग्रता बनाएपछि स्पेन थप उत्साहित देखिएको छ भने फ्रान्स खेलमा फर्कने प्रयासमा जुटेको छ।
