एपी-नोर्क सार्वजनिक मत सर्वेक्षणले अमेरिकी वयस्कहरूको ठूलो बहुमतले इरानसँगको युद्धलाई सार्थक नठानेको देखाएको छ। करिब दुई तिहाइ उत्तरदाताले युद्धले अपेक्षित परिणाम नदिएको बताएका छन्।
सर्वेक्षणअनुसार राष्ट्रपति डोनाल्ड ट्रम्पले युद्धको व्यवस्थापन गर्ने तरिकामा पनि मात्र ३३ प्रतिशत अमेरिकी मात्रै सन्तुष्ट छन्। यो दर उनको पहिलो कार्यकालको यसै अवधिको तुलनामा केही कम हो। ट्रम्पको समग्र स्वीकृति दर पनि ३३ प्रतिशतमा झरेको छ, जुन पूर्व राष्ट्रपति जो बाइडेनको कार्यकालमा मुद्रास्फीति चरम हुँदाको समयसँग मेल खान्छ।
अमेरिकीहरूको २३ प्रतिशतले मात्र इरानमा सैन्य कारबाही जारी राख्नुपर्ने बताएका छन्। त्यस्तै, ४० प्रतिशतले इरानबाट इजरायललाई खतरा हुन नदिनु महत्त्वपूर्ण रहेको धारणा राखेका छन्। यो सर्वेक्षण चार अमेरिकी सैनिकको मृत्यु भएको केही दिनपछि गरिएको थियो।
यी आँकडाले रिपब्लिकनहरूका लागि आगामी निर्वाचन चक्रमा चुनौती खडा गरेको छ। ट्रम्पले कम्तीमा एक सदन (सिनेट) कायम राख्ने प्रयास गरिरहेका बेला यी संख्याले जोखिम बढाएको छ। संवेदनशील क्षेत्रका रिपब्लिकन उम्मेदवारहरूका लागि यो सर्वेक्षणले राजनीतिक जोखिमको संकेत गरेको छ।
