११ भदौ, काठमाडौं । रसुवामा आएको बाढीपछि एक कन्टेनर चालक सम्पर्कविहीन भएका छन्। मिलन नामले चिनिने घनश्याम बस्नेत रसुवा बाढीपछि वेपत्ता भएका हुन्। उनको खोजी गरिदिनका लागि परिवारले आग्रह गरेको छ।
हेटौंडा उपमहानगरपालिका–३ घर भएका बस्नेतले मधेस प्रदेश ०२ ख ८०४१ नम्बरको कन्टेनर चलाउँदै आएका थिए। रसुवागढी नाकाबाट १० भदौमा जाँचपास गरेर हिँडेको भन्ने बुझिए पनि त्यसपछि उनी सम्पर्कविहीन भएको परिवारले बताएको छ।
बाढीपछि आफन्तसम्म पुग्न नसकेका बस्नेतको अवस्थाबारे कुनै जानकारी नभएको र उनको खोजीमा सहयोग पुर्याउन परिवारले आग्रह गरेको छ।
