रसुवाको भोटेकोशी नदीको जलस्तर फेरि बढेको छ। नदीमा माटो, लेदो र भग्नावशेषसहितको पानी बगिरहेको छ। तल्लो तटीय क्षेत्रमा अर्को बाढीको जोखिम बढेपछि राष्ट्रिय विपद् जोखिम न्यूनीकरण तथा व्यवस्थापन प्राधिकरण (एनडीआरआरएमए) ले सतर्कता अपनाउन आग्रह गरेको छ।
प्राधिकरणले संवेदनशील क्षेत्रका बासिन्दालाई उच्च सतर्क रहन र आवश्यक परेमा सुरक्षित स्थानतर्फ लाग्न भनेको छ। यसैगरी भोटेकोशी र त्रिशूली नदी आसपास उद्धार तथा राहत कार्यमा खटिएकाहरूलाई पनि सजग रहन आग्रह गरिएको छ। प्राधिकरणकी प्रवक्ता शान्ति महतले उद्धार र राहत कार्यमा संलग्न सबैलाई थप सतर्कता अपनाउन आह्वान गरेकी छन्।
बुधबार भोटेकोशीमा आएको ठूलो बाढीले रसुवाका बस्ती र पूर्वाधारमा व्यापक क्षति पुर्याएको थियो। सो बाढीमा परी हालसम्म ४६९ जनाको मृत्यु भएको छ। बेपत्ता हुनेको संख्या २,३८१ पुगेको छ, जसमा ६४४ जना विदेशी नागरिक समेत छन्।
