रसुवाको भोटेकोशी हुँदै त्रिशूली नदीमा बुधबार आएको बाढीपछि भेटिएका शवमध्ये अधिकांशको पहिचान हुन सकेको छैन। नेपाल प्रहरीले दिएको जानकारीअनुसार हालसम्म ४८९ जनाको शव फेला परेका छन्, जसमध्ये ३९३ वटाको पहिचान हुन सकेको छैन।
बुधबारको बाढीले ठूलो जनधनको क्षति पुर्याएको छ। शवहरू रसुवा, धादिङ, नुवाकोट, चितवन, तनहुँ, गोरखा, नवलपरासी (बर्दघाट सुरस्ता पूर्व) र पश्चिम नवलपरासीमा फेला परेको प्रहरीले जनाएको छ।
शवहरू भेटिएका जिल्लाहरूमै राख्नुका साथै काठमाडौं, पोखरा, पाल्पा, रुपन्देही र कपिलबस्तुमा पनि राखिएको छ। सबै शवको पहिचान गर्ने कार्य जारी रहेको प्रहरीले बताएको छ।
