तामाकोशी नदीमा आएको बाढीले दोलखा र रामेछाप जोड्ने मुख्य सडकखण्ड अवरुद्ध भएको छ। दोलखाको तामाकोशी गाउँपालिका–५ किर्नेटारमा गएराति बाढीले सडक काटेपछि मन्थली–चरिकोट सडक पूर्णरुपमा अवरुद्ध भएको प्रहरीले जनाएको छ।
प्रहरीका अनुसार मध्यरातमा आएको बाढीले सडक भत्काएको हो। यसले गर्दा दुई जिल्लाबीचको यातायात सेवा ठप्प भएको छ। सडक अवरुद्ध हुँदा अत्यावश्यक कामले आवतजावत गर्नुपर्ने स्थानीयवासी मुस्किलमा परेका छन्।
स्थानीय प्रशासनले वैकल्पिक मार्ग खुलाउने उपाय खोजिरहेको बताइएको छ। तर हालसम्म कुनै विकल्प सञ्चालनमा आएको छैन। बाढीले क्षति पुर्याएको सडक खण्डको मर्मतका लागि आवश्यक तयारी भइरहेको प्रशासनले जनाएको छ।
