इन्द्रेणीपोखरी फुटबल प्रतियोगिताको उपाधि आयोजक 'ए'लाई, उपविजेता कट्टा क्लब

खोटाङमा आयोजना भएको इन्द्रेणीपोखरी फुटबल प्रतियोगिताको उपाधि आयोजक टोली इन्द्रेणीपोखरी 'ए'ले हात पारेको छ । शुक्रबार सम्पन्न भएको खेलमा विजयी भएसँगै उसले एक लाख रुपैयाँ नगदसहित ट्रफी, मेडल र प्रमाणपत्र प्राप्त गरेको हो । प्रतियोगिता इन्द्रेणीपोखरीले नै आयोजना गरेको थियो ।

उपविजेताको स्थानमा कट्टा फुटबल क्लब सावाकटहरे रहेको छ । उक्त क्लबले ७१ हजार रुपैयाँ नगद, ट्रफी, मेडल र प्रमाणपत्र पाएको छ । यसैगरी सेमिफाइनलसम्म पुगेका इन्द्रेणीपोखरी 'बी' र बडकादियाले 'ए'ले समान ३१–३१ हजार रुपैयाँ नगदसहित मेडल र प्रमाणपत्र हात पारेका छन् ।

विधागत पुरस्कार घोषणा

प्रतियोगिताको विधागततर्फ पनि खेलाडी तथा प्रशिक्षक पुरस्कृत भएका छन् । आयोजक इन्द्रेणीपोखरी 'बी' का १४ वर्षमुनिका खेलाडी अजय राई उदीयमान खेलाडी घोषित भए । अन्य विधागत पुरस्कार यसप्रकार छन् :

• उत्कृष्ट गोलकिपर : शुभराज राई (इन्द्रेणीपोखरी 'ए')

आयोजक इन्द्रेणीपोखरीले आयोजना गरेको उक्त प्रतियोगितामा विजेता, उपविजेता र सेमिफाइनल पुगेका टोलीलाई नगद पुरस्कारसहित ट्रफी, मेडल र प्रमाणपत्र प्रदान गरिएको छ ।