राप्रपा छाडेर आफ्नै राजनीतिक अभियान सञ्चालन गरिरहेका डा धवल शमशेर जबरा र अभियान्ता दुर्गा प्रसाईंले ‘जय नेपाल पार्टी’ नामको नयाँ दल गठन गरेका छन्।
सभापति र सर्वोच्च नेता तय
नयाँ पार्टीको नेतृत्व कसले सम्हाल्ने भन्ने विषय पनि टुंगिएको छ। जबराले सभापतिको भूमिका निर्वाह गर्नेछन् भने प्रसाईं सर्वोच्च नेता बन्ने भएका छन्।
साउन २८ मा दर्ता प्रस्ताव
नयाँ दललाई आधिकारिक मान्यता दिन आगामी साउन २८ गते निर्वाचन आयोग जाने कार्यक्रम छ। सो दिन दल दर्ताका लागि निवेदन बुझाउने तयारी उनीहरूले गरेका छन्।
यसअघि राप्रपा परित्याग गरेपछि दुवै छुट्टै अभियानमा थिए। अहिले उनीहरू ‘जय नेपाल पार्टी’ बनाएर एकै मञ्चमा आइपुगेका हुन्।
